"Nissa" yarim himoyachisi Aaron Remsi o‘zining qadrdon klubi "Kardiff"ga qaytishi mumkinligini tan oldi.
“Men shu jamoada o‘sganman va menga berganlari uchun undan doim minnatdor bo‘laman. Bir kuni qaytmoqchiman, lekin kim biladi, voqealar qanday bo‘lishini? Kelgusi haftalarda men kelajagimni tartibga solishim kerak. Eng muhimi, ta’tilni oilangiz bilan o‘tkazish va barchamizga mos keladigan to‘g‘ri qaror qabul qilishdir", - dedi Remsi.
2022/23 yilgi mavsumda Remsi "Nissa" tarkibida 34 ta o‘yinda maydonga tushib, 1 ta gol va 3 ta golli uzatmani amalga oshirgan. 32 yoshli futbolchining fransuz klubi bilan shartnomasi 2023 yilning iyun oyi oxirigacha amal qiladi.