"Arsenal" "Ayaks" himoyachisi Yurriyen Timber bilan shaxsiy shartnoma borasida kelishuvga erishdi, deya xabar beradi insayder Fabrisio Romano.
Unga ko‘ra, 22 yoshli niderlandiyalik yagona variant sifatida "kanonirlar"ga o‘tishni ko‘rmoqda.
Sky Germany jurnalisti Florian Plettenbergning so‘zlariga ko‘ra, "Arsenal" va "Ayaks" 45 million yevroga sotib olish va bonuslar haqida kelishib olishlari mumkin.
Oldinroq London klubi rahbariyati o‘z taklifini 46 million yevrogacha oshirishi haqida xabar berilgandi.
Timber "Ayaks" tarbiyalanuvchisi hisoblanadi. 2022/23 yilgi mavsumda futbolchi barcha musobaqalarda jamoasi safida 47 ta o‘yinda maydonga tushib, 2 ta gol urdi va 2 ta golli uzatmani amalga oshirdi.
Transfermarkt.com portali himoyachining narxini 42 million yevroga baholamoqda.