"Арсенал" "Аякс" ҳимоячиси Юрриен Тимбер билан шахсий шартнома борасида келишувга эришди, дея хабар беради инсайдер Фабрицио Романо.
Унга кўра, 22 ёшли нидерландиялик ягона вариант сифатида "канонирлар"га ўтишни кўрмоқда.
Sky Germany журналисти Флориан Плеттенбергнинг сўзларига кўра, "Арсенал" ва "Аякс" 45 миллион еврога сотиб олиш ва бонуслар ҳақида келишиб олишлари мумкин.
Олдинроқ Лондон клуби раҳбарияти ўз таклифини 46 миллион еврогача ошириши ҳақида хабар берилганди.
Тимбер "Аякс" тарбияланувчиси ҳисобланади. 2022/23 йилги мавсумда футболчи барча мусобақаларда жамоаси сафида 47 та ўйинда майдонга тушиб, 2 та гол урди ва 2 та голли узатмани амалга оширди.
Transfermarkt.com портали ҳимоячининг нархини 42 миллион еврога баҳоламоқда.
