"Bavariya" himoyachisi Lyuka Ernandes "PSJ" futbolchisiga aylanishga yaqin.
Manba bergan xabarga ko‘ra, klublar o‘rtasidagi muzokaralar ijobiy ketmoqda va transfer summasi 35-40 million yevroga yetishi mumkin.
27 yoshli himoyachining “Bavariya” bilan shartnomasi kelasi yozda yakuniga yetadi.
Ernandes o‘tgan mavsumda barcha turnirlarda 11 ta o‘yinda maydonga tushib, 1 ta gol urdi va 1 ta golli uzatmani amalga oshirdi. U 2019 yildan beri nemis klubida o‘ynab kelmoqda.