"Barselona" Ilkay Gyundogan va Marselo Brozovich bilan shartnoma imzolamoqchi. Tasavvur qilaylik, kataloniyaliklarning yangi kelganlar bilan tarkibi qanday bo‘lishi mumkin.
Ter Shtegen; Kunde, Arauxo, Kristensen; Brozovich, De Yong; Gyundogan, Pedri/Gavi; Dembele, Levandovski, Balde.
"Barsa" to‘pga ega bo‘lganda, futbolchilar shunday joylashadilar.
Himoyada bu klassik 4-3-3ga aylanishi mumkin, Pedri yoki Gavi chap qanot yarim himoyachisi sifatida markazdan joy oladi. Brozovich asosan Serxi Buskets rolini o‘ynaydi, bu pozisiyani egallab, Frenki de Yongning oldinda bajaradigan ko‘p sonli ishlari ancha kamayadi va niderlandiyalik futbolchi tayanch zonasiga tushadi.
Yagona muammo shundaki, Gavi bundan keyin jamoada unchalik muhim figuraga aylanmasligi mumkin. Biroq, u juda foydali zaxira o‘yinchisi rolini bajarib berishi kutilyapti.
