"Chelsi" yarim himoyachisi Xakim Ziyesh yangi hafta boshida "An-Nasr"ga o‘tadi, deya xabar beradi ijtimoiy tarmoq insayderi Fabrisio Romano.
Manbaga ko‘ra, tomonlar hujjatlarning dushanba-seshanba kunlari imzolanishiga ishonchi komil.
Avvalroq, 30 yoshli futbolchi "An-Nasr"da yiliga 30 million yevro ishlab olishi, qo‘shimcha daromad manbalariga ham ega bo‘lishi mumkinligi xabar qilingandi.
O‘tgan mavsumda Ziyesh “Chelsi” safida 24 ta o‘yinda maydonga tushib, 3 ta golli uzatmani amalga oshirgan. Transfermarkt portali futbolchining narxini 18 million yevroga baholamoqda.