O‘zbekiston U-17 terma jamoasi a’zosi Ollobergan Karimov Osiyo Kubogi chorak finalida Saudiya Arabistoni ustidan qo‘lga kiritilgan g‘alabadan (2:0) so‘ng o‘z fikrlarini bildirdi.
"Avvalambor O‘zbekiston xalqini bu g‘alaba bilan tabriklayman, bundan oldin akalarimiz (U20) jahon chempionatiga chiqishni uddalagandi. Biz ham shuni niyyat qilgandik, Xudo xohlasa turnirda o‘z oldimizga qo‘ygan 2-vazifani uddalab, JCHga yo‘l oldik. 3-vazifa musobaqada g‘olib bo‘lish. O‘yin qiyin bo‘ldi, jamoadoshlarimga katta rahmat ular borini berib o‘ynashdi. Muxlislarimizga, ota-onalarimizga ham bizni duo qilib turishgani uchun rahmat aytmoqchiman. Golga kelsak, jamoaga g‘alaba keltirganimdan juda xursandman. To‘xtab qolish yo‘q", - dedi Karimov.
