Ўзбекистон U-17 терма жамоаси аъзоси Оллоберган Каримов Осиё Кубоги чорак финалида Саудия Арабистони устидан қўлга киритилган ғалабадан (2:0) сўнг ўз фикрларини билдирди.
"Авваламбор Ўзбекистон халқини бу ғалаба билан табриклайман, бундан олдин акаларимиз (U20) жаҳон чемпионатига чиқишни уддалаганди. Биз ҳам шуни нийят қилгандик, Худо хоҳласа турнирда ўз олдимизга қўйган 2-вазифани уддалаб, ЖЧга йўл олдик. 3-вазифа мусобақада ғолиб бўлиш. Ўйин қийин бўлди, жамоадошларимга катта раҳмат улар борини бериб ўйнашди. Мухлисларимизга, ота-оналаримизга ҳам бизни дуо қилиб туришгани учун раҳмат айтмоқчиман. Голга келсак, жамоага ғалаба келтирганимдан жуда хурсандман. Тўхтаб қолиш йўқ", - деди Каримов.
