“Portu”ning eronlik hujumchisi Mehdi Taremi professional faoliyatini Yevropada davom ettirish niyatida.
Jurnalist Sasha Tavolyerining yozishicha, “ajdarlar” hujumchisi faoliyatini Yevropada davom ettirish istagi tufayli “Al-Hilol” jamoasi taklifini rad etgan.
Ma’lumotlarga ko‘ra, "Marsel" futbolchiga asosiy da’vogar, shuningdek, eronlik futbolchiga "Lill" va "Milan" ham qiziqish bildirmoqda. "Portu" o‘z hujumchisi uchun 15-20 million yevroga sotishni rejalashtirmoqda.
Eslatib o‘tamiz, Mehdi Taremi 2020 yildan buyon Portugaliya grandi tarkibida o‘ynamoqda. O‘tgan mavsumda uning 31 ta gol va 14 golli uzatmasi "ajdarlar"ga Portugaliya kubogi va mahalliy Liga kubogini qo‘lga kiritishiga yordam berdi.
