“Порту”нинг эронлик ҳужумчиси Меҳди Тареми профессионал фаолиятини Европада давом эттириш ниятида.
Журналист Саша Тавольерининг ёзишича, “аждарлар” ҳужумчиси фаолиятини Европада давом эттириш истаги туфайли “Ал-Ҳилол” жамоаси таклифини рад этган.
Маълумотларга кўра, "Марсель" футболчига асосий даъвогар, шунингдек, эронлик футболчига "Лилль" ва "Милан" ҳам қизиқиш билдирмоқда. "Порту" ўз ҳужумчиси учун 15-20 миллион еврога сотишни режалаштирмоқда.
Эслатиб ўтамиз, Меҳди Тареми 2020 йилдан буён Португалия гранди таркибида ўйнамоқда. Ўтган мавсумда унинг 31 та гол ва 14 голли узатмаси "аждарлар"га Португалия кубоги ва маҳаллий Лига кубогини қўлга киритишига ёрдам берди.