Istanbulning “Fenerbaxche” jamoasining legionerlari shu yilning yozida Rossiyada bo‘lib o‘tadigan mavsumoldi turniriga borishni istamayapti. Bu haqda Fotospor jurnalistlari xabar bermoqda.
Iyul oyining birinchi yarmida Sankt-Peterburgda "Zenit", "Fenerbaxche", shuningdek, "Srvena Zvezda" va "Neftchi" jamoalari ishtirok etadigan Premyer-kubogi o‘tkaziladi.
Manba ta’kidlaganidek, "Fenerbaxche"ning bosniyalik hujumchisi Edin Jeko Rossiyaga borib, ushbu musobaqalarda qatnashishni istamayapti.
Eslatib o‘tamiz, o‘tgan yili hujumchi Rossiya terma jamoasi bilan nazorat o‘yinida ishtirok etishdan bosh tortgan, keyinroq esa bahs bekor qilingandi.