"Barselona"ning ikki futbolchisi keyingi mavsumda ham o‘z jamoasida qolishga umid qilishmoqda.
Gap klub moliyaviy muammolarni hal qilish uchun sotmoqchi bo‘lgan hujumchilar Ferran Torres va Ansu Fati haqida ketmoqda.
Jurnalist Fabrisio Romano Torres va Fati so‘nggi kunlarda niyatlarini o‘zgartirmagani haqida xabar bermoqda. Rahbariyat va matbuot bosimiga qaramay, futbolchilar kelajakda jamoada muvaffaqiyat qozonish uchun “Barselona”da qolishni istashadi.
Bozorda Fati va Torresga talab bor, shuning uchun "Barselona" tushumni boshqa transferlarga ishlatish uchun ularni katta pulga sotmoqchi.
