"Барселона"нинг икки футболчиси кейинги мавсумда ҳам ўз жамоасида қолишга умид қилишмоқда.
Гап клуб молиявий муаммоларни ҳал қилиш учун сотмоқчи бўлган ҳужумчилар Ферран Торрес ва Ансу Фати ҳақида кетмоқда.
Журналист Фабрицио Романо Торрес ва Фати сўнгги кунларда ниятларини ўзгартирмагани ҳақида хабар бермоқда. Раҳбарият ва матбуот босимига қарамай, футболчилар келажакда жамоада муваффақият қозониш учун “Барселона”да қолишни исташади.
Бозорда Фати ва Торресга талаб бор, шунинг учун "Барселона" тушумни бошқа трансферларга ишлатиш учун уларни катта пулга сотмоқчи.
