Darvozabon David de Xea "Manchester Yunayted" bilan shartnomani uzaytirdi, biroq klub kelishilgan taklifni rad etdi, deb xabar beradi The Athletic.
Manbaning xabar berishicha, 32 yoshli futbolchi hozirgi haftasiga 375 ming funt sterling miqdoridagi maoshini keskin kamaytirishga rozi bo‘lgan, biroq klub shartnoma imzolamagan. Endi esa "Manchester Yunayted" undan ham pastroq maoshli yangi taklif bilan chiqdi.
Darvozabon yangi shartlar bo‘yicha shartnoma imzolashga hali rozi bo‘lmagan. Ikki tomon o‘rtasida muzokaralar davom etmoqda.
De Xea "Manchester Yunayted"da 2011 yilning iyulidan beri to‘p tepadi. 2022/23 yilgi mavsumda u jamoa safida barcha musobaqalarda 58 ta o‘yinda 61 ta gol o‘tkazib yubordi.