Relevo xabariga ko‘ra, "Vilyarreal" yarim himoyachisi Daniel Parexo faoliyatini "Barselona"da davom ettirishi mumkin.
Manbaga ko‘ra, kataloniyaliklar bosh murabbiyi Xavi qishda futbolchi bilan bog‘langan.
Qayd etilishicha, klub futbolchining shartnomasi 2024 yilgacha mo‘ljallangan bo‘lishiga qaramay, ushbu yozda uni tekinga qo‘yib yuborishga tayyor.
34 yoshli Parexo o‘zini top-klubda sinab ko‘rmoqchi. Futbolchining “Vilyarreal” ustozi Kike Setyen bilan ham munosabatlari keskin.
Joriy mavsumda u 50 ta o‘yin o‘tkazib, 3 ta gol urdi va 6 ta golli uzatmani amalga oshirdi.