"Chelsi" "Inter" darvozaboni Andre Onana uchun kurashda davom etmoqda. CaughtOffside ma’lumotlariga ko‘ra, "aristokratlar" o‘z hujumchisi Romelu Lukakuni kamerunlik futbolchi uchun shartnomada qo‘llashlari mumkin.
Manbaning ta’kidlashicha, Onanaga "Manchester Yunayted" ham qiziqish bildirmoqda, u yaqin kunlarda kamerunlik futbolchining transferi bo‘yicha muzokara olib boradi. "Qizil iblislar" bosh murabbiyi Erik ten Xag "Ayaks"da Andre bilan birga ishlagan.
Oldinroq "Inter" Onana uchun 50-60 million yevro so‘ragani xabar qilingandi.