Fabrisio Romanoning fikricha, AQSH terma jamoasi va “Valensiya” klubi yarim himoyachisi Yunus Musa “Milan”ga o‘tishi mumkin.
Manbaga ko‘ra, “rossonerilar” 20 yoshli futbolchini o‘zlari qiziqayotgan futbolchilar ro‘yxatiga kiritishgan. “Valensiya” futbolchini 20 million yevroga sotishga tayyor. Qish mavsumida ispan klubi Musani sotishdan bosh tortdi, jumladan, "Chelsi"ning og‘zaki taklifi ham rad etildi.
Yarim himoyachi "Valensiya"da 2019 yilning avgust oyidan buyon o‘ynab kelmoqda, 2022/23 yilgi mavsumda u jamoa safida barcha musobaqalarda 37 ta o‘yinda 2 ta golli uzatmani amalga oshirgan.
Futbolchining shartnomasi 2026 yilning iyun oyi oxirigacha amal qiladi. Transfermarkt.com portali futbolchining narxini 18 million yevroga baholamoqda.