Фабрицио Романонинг фикрича, АҚШ терма жамоаси ва “Валенсия” клуби ярим ҳимоячиси Юнус Муса “Милан”га ўтиши мумкин.
Манбага кўра, “россонерилар” 20 ёшли футболчини ўзлари қизиқаётган футболчилар рўйхатига киритишган. “Валенсия” футболчини 20 миллион еврога сотишга тайёр. Қиш мавсумида испан клуби Мусани сотишдан бош тортди, жумладан, "Челси"нинг оғзаки таклифи ҳам рад этилди.
Ярим ҳимоячи "Валенсия"да 2019 йилнинг август ойидан буён ўйнаб келмоқда, 2022/23 йилги мавсумда у жамоа сафида барча мусобақаларда 37 та ўйинда 2 та голли узатмани амалга оширган.
Футболчининг шартномаси 2026 йилнинг июн ойи охиригача амал қилади. Transfermarkt.com портали футболчининг нархини 18 миллион еврога баҳоламоқда.