Myonxengladbaxning "Borussiya" klubi rahbariyati Markus Tyuramni almashtirishning mumkin bo‘lgan variantlaridan birini tanlashga qaror qildi.
Jurnalist Mishel Jannonening xabar berishicha, Bundesliga jamoasi vakillari mahalliy MLS klubi hujumchisi Brendon Vaskesning saviyasini baholash uchun Sinsinnati shahriga uchib ketishgan.
Xabar qilinishicha, “Borussiya” skautlari hatto uning uyiga jamoa loyihasini taqdim etish uchun kelgan.
Mish-mishlarga ko‘ra, tomonlar o‘rtasida shaxsiy shartlar allaqachon kelishib olingan. Biroq Sinsinnati bu yozda nemis klubi taklif qilganiga qaramay, Vaskesning xohishiga qarshi futbolchini sotishdan bosh tortdi.
Brendon Vaskes joriy mavsumda barcha musobaqalarda 20 ta o‘yinda maydonga tushib, 6 ta gol urdi. Transfermarkt portali 24 yoshli hujumchining narxini 7 million yevroga baholamoqda.
