Yarim himoyachi Mateo Kovachich "Chelsi"dan "Manchester Siti"ga o‘tdi.
“Shaharliklar” matbuot xizmati xabariga ko‘ra, futbolchi bilan shartnoma 2027 yilning 30 iyuniga qadar tuzilgan.
Avvalroq, "Siti" futbolchi uchun "Chelsi"ga 29 million yevro va bonus sifatida 6 million yevro to‘lashi haqida xabar berilgandi.
2022/23 yilgi mavsumda 29 yoshli xorvatiyalik futbolchi “Chelsi” safida barcha turnirlar doirasida 37 ta o‘yinda maydonga tushib, 2 ta gol urdi va 2 ta golli uzatmani amalga oshirdi. Transfermarkt portali futbolchining narxini 40 million yevroga baholamoqda.