"Arsenal" Deklan Rays uchun 100 million funt sterlingdan ko‘proq pul taklif qildi.
"Kanonirlar" futbolchi uchun bonuslar bilan birga 105 million funt to‘lashga tayyor.
"Arsenal"ning so‘nggi taklifiga 100 million funt sterling miqdoridagi asosiy to‘lov va yana 5 million funt sterling bonuslar kiradi.
Agar transfer amalga oshsa, kelishuv summasi britaniyalik futbolchilar uchun rekord bo‘ladi.
Eng qimmat ingliz transferi bu Jek Grilishning "Aston Villa"dan "Manchester Siti"ga 100 million funtga o‘tgani bo‘lgan.
Deklan Raysga ham "Manchester Siti" da’vo qilmoqda, biroq avvalroq "Vest Xem" "shaharliklar"ning 80 million funt sterling va 10 million funt sterling bonus taklifini rad etgani ma’lum bo‘lgan edi.
Rays o‘tgan mavsumda APLda 37 ta o‘yinda maydonga tushib, 4 ta gol va 2 ta golli uzatmaga mualliflik qilgan.