"Manchester Siti"ga yangi kelgan Mateo Kovachich 5 yil davomida o‘ynagan Londonning "Chelsi" jamoasi muxlislari bilan xayrlashdi. Eslatib o‘tamiz, xorvat 2018 yilning yozida ijara asosida "ko‘klar"ga o‘tgan va keyinroq u "Real"dan doimiy ravishda sotib olingandi. Kovachich "Chelsi" bilan Chempionlar ligasida g‘olib chiqdi.
“Ushbu buyuk klubda o‘ynash va nufuzli sovrinlarni qo‘lga kiritish katta baxt edi. "Chelsi"da o‘tkazgan har bir soniyamdan zavq oldim. O‘ylaymanki, o‘tgan mavsum jamoa uchun odatiy darajada bo‘lmaganiga ko‘pchilik rozi bo‘ladi. Tez orada ko‘rishguncha”, - deb yozdi Mateo ijtimoiy tarmoqda.
Eslatib o‘tamiz, "Manchester Siti" Kovachich uchun 30 million yevro to‘lagan.
