"Манчестер Сити"га янги келган Матео Ковачич 5 йил давомида ўйнаган Лондоннинг "Челси" жамоаси мухлислари билан хайрлашди. Эслатиб ўтамиз, хорват 2018 йилнинг ёзида ижара асосида "кўклар"га ўтган ва кейинроқ у "Реал"дан доимий равишда сотиб олинганди. Ковачич "Челси" билан Чемпионлар лигасида ғолиб чиқди.
“Ушбу буюк клубда ўйнаш ва нуфузли совринларни қўлга киритиш катта бахт эди. "Челси"да ўтказган ҳар бир сониямдан завқ олдим. Ўйлайманки, ўтган мавсум жамоа учун одатий даражада бўлмаганига кўпчилик рози бўлади. Тез орада кўришгунча”, - деб ёзди Матео ижтимоий тармоқда.
Эслатиб ўтамиз, "Манчестер Сити" Ковачич учун 30 миллион евро тўлаган.
