"Vest Xem" yarim himoyachisi Deklan Rays klubdan "Arsenal" taklifini qabul qilishni so‘radi, deb xabar beradi Daily Mail.
"Kanonirlar" 24 yoshli angliyalik uchun 100 million funt va bonus sifatida 5 million funt to‘lashga tayyor.
Qayd etilishicha, “Vest Xem” futbolchi uchun 110 million funt sterlinggacha mablag‘ olmoqchi, shuningdek, kafolatlangan qismi qisqa vaqt ichida to‘lanishini istamoqda. Shuning uchun ular "kanonirlar" taklif qilayotgan to‘lov tuzilmasidan norozi.
Rays “Vest Xem” tarbiyalanuvchisi hisoblanadi. Futbolchi 2022/23 yilgi mavsumda jamoasi safida barcha musobaqalarda 50 ta o‘yinda maydonga tushib, 5 ta gol urdi va 4 ta golli uzatmani amalga oshirdi va Konferensiyalar ligasi g‘olibiga aylandi. Futbolchining "bolg‘achilar" bilan shartnomasi 2024 yilning yoziga qadar amal qiladi.