"Вест Хэм" ярим ҳимоячиси Деклан Райс клубдан "Арсенал" таклифини қабул қилишни сўради, деб хабар беради Daily Mail.
"Канонирлар" 24 ёшли англиялик учун 100 миллион фунт ва бонус сифатида 5 миллион фунт тўлашга тайёр.
Қайд этилишича, “Вест Хэм” футболчи учун 110 миллион фунт стерлинггача маблағ олмоқчи, шунингдек, кафолатланган қисми қисқа вақт ичида тўланишини истамоқда. Шунинг учун улар "канонирлар" таклиф қилаётган тўлов тузилмасидан норози.
Райс “Вест Хэм” тарбияланувчиси ҳисобланади. Футболчи 2022/23 йилги мавсумда жамоаси сафида барча мусобақаларда 50 та ўйинда майдонга тушиб, 5 та гол урди ва 4 та голли узатмани амалга оширди ва Конференциялар лигаси ғолибига айланди. Футболчининг "болғачилар" билан шартномаси 2024 йилнинг ёзига қадар амал қилади.