"Marsel" "Arsenal" hujumchisi Folarin Balogunni o‘z safiga qo‘shib olmoqchi, deb xabar beradi L'Equipe.
Qayd etilishicha, provansliklar 2023/24 yilgi mavsumda Chempionlar ligasidagi ishtirok etishi sababli hujum chizig‘ini kuchaytirmoqchi.
Avvalroq AQSH terma jamoasining 21 yoshli futbolchisi endi ijaraga o‘tmasligini aytgandi.
Balogun o‘tgan mavsumda "Reyms" tarkibida 39 ta ijara o‘yinida maydonga tushib, 22 ta gol urdi va 3 ta golga assistentlik qildi. Transfermarkt portaliga ko‘ra futbolchining narxi 25 million yevroga baholanmoqda.