"Марсель" "Арсенал" ҳужумчиси Фоларин Балогунни ўз сафига қўшиб олмоқчи, деб хабар беради L'Equipe.
Қайд этилишича, провансликлар 2023/24 йилги мавсумда Чемпионлар лигасидаги иштирок этиши сабабли ҳужум чизиғини кучайтирмоқчи.
Аввалроқ АҚШ терма жамоасининг 21 ёшли футболчиси энди ижарага ўтмаслигини айтганди.
Балогун ўтган мавсумда "Реймс" таркибида 39 та ижара ўйинида майдонга тушиб, 22 та гол урди ва 3 та голга ассистентлик қилди. Transfermarkt порталига кўра футболчининг нархи 25 миллион еврога баҳоланмоқда.