"Lans" yarim himoyachisi Seko Fofana faoliyatini Saudiya Arabistonida davom ettiradi.
Footmercato xabariga ko‘ra, "An-Nasr" Kot-d'Ivuar terma jamoasining 28 yoshli futbolchisini sotib olishga rozi bo‘lgan. Transfer summasi 30 million yevrodan kam bo‘ladi, bu futbolchining fransuz klubi bilan shartnomasida tovon puli sifatida belgilangan.
Fofana 2022/23 yilgi mavsumda barcha turnirlarda 39 ta o‘yinda maydonga tushib, 9 ta gol urdi va 6 ta golli uzatmani amalga oshirdi.