"Vest Xem" va "Arsenal" o‘rtasida bo‘lib turgan futbolchi Deklan Raysning transferi bo‘yicha muzokaralar jarayoni yakunlanish arafasida. Bu haqda jurnalist Fabrisio Romano ijtimoiy tarmoqlar orqali ma’lum qildi.

Manbaga ma’lum bo‘lishicha, "bolg‘achilar" "kanonirlar"ning taklifini qabul qilishgan. Bitim 100 million funt sterling va bonus to‘lovlari sifatida besh millionni tashkil qiladi. Hozirda tomonlar to‘lov shartlarini muhokama qilmoqda.

24 yoshli yarim himoyachi 2017 yilning yozidan buyon "Vest Xem" safida to‘p tepmoqda. Uning poytaxt klubi bilan shartnomasi 2023/2024 yilgi mavsum oxirigacha amal qiladi.

Deklan o‘tgan mavsumda Premyer-ligada 37 ta o‘yinda maydonga tushib, 4 ta gol va 2 ta golli uzatmaga mualliflik qilgan.