"Вест Хэм" ва "Арсенал" ўртасида бўлиб турган футболчи Деклан Райснинг трансфери бўйича музокаралар жараёни якунланиш арафасида. Бу ҳақда журналист Фабрицио Романо ижтимоий тармоқлар орқали маълум қилди.
Манбага маълум бўлишича, "болғачилар" "канонирлар"нинг таклифини қабул қилишган. Битим 100 миллион фунт стерлинг ва бонус тўловлари сифатида беш миллионни ташкил қилади. Ҳозирда томонлар тўлов шартларини муҳокама қилмоқда.
24 ёшли ярим ҳимоячи 2017 йилнинг ёзидан буён "Вест Хэм" сафида тўп тепмоқда. Унинг пойтахт клуби билан шартномаси 2023/2024 йилги мавсум охиригача амал қилади.
Деклан ўтган мавсумда Премьер-лигада 37 та ўйинда майдонга тушиб, 4 та гол ва 2 та голли узатмага муаллифлик қилган.
