"Manchester Yunayted" "Napoli" markaziy himoyachisi Kim Min Chje uchun yana bir da’vogar edi. Jurnalist Florian Plettenbergning so‘zlariga ko‘ra, “qizil iblislar” koreyalik futbolchi uchun 45 million yevro taklif qilishga tayyor edi.
Manbaning aytishicha, Kim Min Chje “Manchester Yunayted” variantidan voz kechgan va “Bavariya”ga o‘tishga qaror qilgan. Qayd etilishicha, futbolchi 4 iyuldan so‘ng, Janubiy Koreyadagi harbiy xizmatni tugatgandan so‘ng tibbiy ko‘rikdan o‘tadi.
Kim Min Chje o‘tgan yozda "Fenerbaxche"dan "Napoli"ga o‘tgan edi.













