"Манчестер Юнайтед" "Наполи" марказий ҳимоячиси Ким Мин Чжэ учун яна бир даъвогар эди. Журналист Флориан Плеттенбергнинг сўзларига кўра, “қизил иблислар” кореялик футболчи учун 45 миллион евро таклиф қилишга тайёр эди.
Манбанинг айтишича, Ким Мин Чжэ “Манчестер Юнайтед” вариантидан воз кечган ва “Бавария”га ўтишга қарор қилган. Қайд этилишича, футболчи 4 июлдан сўнг, Жанубий Кореядаги ҳарбий хизматни тугатгандан сўнг тиббий кўрикдан ўтади.
Ким Мин Чжэ ўтган ёзда "Фенербахче"дан "Наполи"га ўтган эди.













