"Manchester Yunayted" hujumchisi Meyson Grinvud jamoasini ijara asosida tark etishi mumkin. Jurnalist Samuel Lakxyorstning xabariga ko‘ra, angliyalik futbolchi keyingi mavsumni boshqa jamoada o‘tkazishi mumkin.
"Manchester Yunayted" rahbariyati zo‘rlash bo‘yicha sud jarayonlari tufayli bir yarim yilni o‘tkazib yuborilgan futbolchi bilan xayrlashmoqchi emas. Oldinroq Grinvud futboldan chetlatilgan edi, biroq ichki tekshiruvdan so‘ng “qizil iblislar” futbolchini o‘zida saqlab qolishga qaror qilishdi. Biroq rahbariyatning fikricha, Meysonning asosiy jamoaga qaytishiga hali erta, chunki u uzoq vaqt o‘ynamagan.