"Napoli" himoyachisi Jovanni di Lorensoning vakili bo‘lgan agent Mario Jufreddi mijozining kelajagi haqida gapirdi.
"U umrining oxirigacha "Napoli"da qolmoqchi. Yaqin haftalarda biz klub rahbariyati bilan uchrashamiz va bu haqda gaplashamiz", - deya Jufreddining so‘zlarini keltiradi Tuttomercatoweb.
29 yoshli himoyachi o‘tgan mavsumda barcha turnirlarda 47 ta o‘yinda maydonga tushib, 5 ta gol urdi va 6 ta golli uzatmani amalga oshirdi. Uning "Napoli" bilan shartnomasi 2026 yilning yoziga qadar mo‘ljallangan.