"Manchester Yunayted" "Inter" darvozaboni Andre Onananing transferi ustida ishlashda davom etmoqda, deya xabar beradi insayder Fabrisio Romano.
Manbaning xabariga ko‘ra, tomonlar futbolchi borasida muzokara o‘tkazgan. "Manchester Yunayted" Onana uchun rasmiy taklif yuborishdan oldin darvozabon David de Xea bilan bog‘liq vaziyatga oydinlik kiritilishini kutmoqda. “Inter” 27 yoshli darvozabonni 50-55 million yevro evaziga qo‘yib yuborishga tayyor.
Kamerunlik futbolchi A Seriyada o‘tgan mavsumda 24 ta o‘yin o‘tkazdi, shulardan sakkiztasida darvozasini daxlsiz saqlagan.