"Манчестер Юнайтед" "Интер" дарвозабони Андре Онананинг трансфери устида ишлашда давом этмоқда, дея хабар беради инсайдер Фабрицио Романо.
Манбанинг хабарига кўра, томонлар футболчи борасида музокара ўтказган. "Манчестер Юнайтед" Онана учун расмий таклиф юборишдан олдин дарвозабон Давид де Хеа билан боғлиқ вазиятга ойдинлик киритилишини кутмоқда. “Интер” 27 ёшли дарвозабонни 50-55 миллион евро эвазига қўйиб юборишга тайёр.
Камерунлик футболчи А Серияда ўтган мавсумда 24 та ўйин ўтказди, шулардан саккизтасида дарвозасини дахлсиз сақлаган.