La Gazette Dello Sport xabariga ko‘ra, "Milan" AZ yarim himoyachisi Teyani Reyndersga qiziqish bildirmoqda.
Manba bergan xabarga ko‘ra, italyan klubi 24 yoshli futbolchi bilan 5 yillik shartnomaga kelishib olgan. Niderlandiya futbolchining maoshi transfer qilingan taqdirda yiliga 1,7 million yevroni tashkil qiladi. Yarim himoyachiga Premyer-liga klublari ham qiziqish bildirishgan, ammo u A Seriya variantini afzal ko‘radi.
"Rossonerilar" AZ bilan transfer borasida hali muzokara o‘tkazmagan. Niderlandiyaliklar uni 18-20 million yevroga qo‘yib yuborishlari mumkin.
2022/23 yilgi mavsumda Reynders AZ tarkibida Erediviziyaning 34 ta o‘yinida qatnashib, 3 ta gol urdi va 7 ta golli uzatmani amalga oshirdi. Shartnoma 2027 yilning yoziga qadar mo‘ljallangan. Transfermarkt portali futbolchining narxini 14 million yevroga baholamoqda.