La Gazette Dello Sport хабарига кўра, "Милан" АЗ ярим ҳимоячиси Тейани Рейндерсга қизиқиш билдирмоқда.
Манба берган хабарга кўра, итальян клуби 24 ёшли футболчи билан 5 йиллик шартномага келишиб олган. Нидерландия футболчининг маоши трансфер қилинган тақдирда йилига 1,7 миллион еврони ташкил қилади. Ярим ҳимоячига Премьер-лига клублари ҳам қизиқиш билдиришган, аммо у А Серия вариантини афзал кўради.
"Россонерилар" АЗ билан трансфер борасида ҳали музокара ўтказмаган. Нидерландияликлар уни 18-20 миллион еврога қўйиб юборишлари мумкин.
2022/23 йилги мавсумда Рейндерс АЗ таркибида Эредивизиянинг 34 та ўйинида қатнашиб, 3 та гол урди ва 7 та голли узатмани амалга оширди. Шартнома 2027 йилнинг ёзига қадар мўлжалланган. Transfermarkt портали футболчининг нархини 14 миллион еврога баҳоламоқда.