"Chelsi" himoyachi Levi Kolvillga yangi shartnoma imzolashni taklif qildi, deb xabar beradi The Evening Standard.
Manbaning aytishicha, o‘tgan mavsumni "Brayton"da ijara asosida o‘tkazgan 20 yoshli futbolchi kelajagi haqida qaror qabul qilishdan oldin Maurisio Pochettino bilan muzokara o‘tkazmoqchi. "Chelsi"da himoyachilar yetarli, shuning uchun futbolchi taklifni qabul qilishdan oldin asosiy tarkibdan kafolat olishni xohlaydi.
Oldinroq “Brayton” Kolvill uchun 47 million yevro to‘lashga tayyorligi xabar qilingandi.
2022/23 yilgi mavsumda u Premyer-ligada 17 ta o‘yin o‘tkazib, 2 ta golli uzatmani amalga oshirdi. Transfermarkt portali futbolchining narxini 30 million yevroga baholamoqda.