"Челси" ҳимоячи Леви Колвиллга янги шартнома имзолашни таклиф қилди, деб хабар беради The Evening Standard.
Манбанинг айтишича, ўтган мавсумни "Брайтон"да ижара асосида ўтказган 20 ёшли футболчи келажаги ҳақида қарор қабул қилишдан олдин Маурисио Почеттино билан музокара ўтказмоқчи. "Челси"да ҳимоячилар етарли, шунинг учун футболчи таклифни қабул қилишдан олдин асосий таркибдан кафолат олишни хоҳлайди.
Олдинроқ “Брайтон” Колвилл учун 47 миллион евро тўлашга тайёрлиги хабар қилинганди.
2022/23 йилги мавсумда у Премьер-лигада 17 та ўйин ўтказиб, 2 та голли узатмани амалга оширди. Transfermarkt портали футболчининг нархини 30 миллион еврога баҳоламоқда.
