Milanning "Inter" klubi Andre Onana o‘rniga yangi darvozabon qidirmoqda. Afrikalik futbolchini "Manchester Yunayted" qo‘lga kiritish uchun faol harakat qilmoqda.
AC jurnalistlari xabariga ko‘ra, Fransiyaning "PSJ" klubi darvozaboni Keylor Navas "neradzurrilar"ning qiziqish doirasiga tushib qolgan. U raqobatni italiyalik Janluiji Donnarummaga boy bergan.
Keylor o‘tgan mavsumda "Nottingem Forest"da ijara asosida o‘ynagandi. U Angliya Premyer-ligasining 17 uchrashuvida qatnashib, o‘z darvozasidan 32 ta gol o‘tkazib yuborgan.
Navasning "PSJ" bilan shartnomasi 2024 yilning iyun oyi oxirida tugaydi.













