Миланнинг "Интер" клуби Андре Онана ўрнига янги дарвозабон қидирмоқда. Африкалик футболчини "Манчестер Юнайтед" қўлга киритиш учун фаол ҳаракат қилмоқда.
AC журналистлари хабарига кўра, Франциянинг "ПСЖ" клуби дарвозабони Кейлор Навас "нерадзуррилар"нинг қизиқиш доирасига тушиб қолган. У рақобатни италиялик Жанлуижи Доннаруммага бой берган.
Кейлор ўтган мавсумда "Ноттингем Форест"да ижара асосида ўйнаганди. У Англия Премьер-лигасининг 17 учрашувида қатнашиб, ўз дарвозасидан 32 та гол ўтказиб юборган.
Наваснинг "ПСЖ" билан шартномаси 2024 йилнинг июнь ойи охирида тугайди.
