"Bolonya"ga tegishli bo‘lgan hujumkor yarim himoyachi Rikkardo Orsolini Italiyaning boshqa klubiga o‘tishi mumkin. Jurnalist Janluka di Marsio xabariga ko‘ra, 26 yoshli vingerni o‘z safiga Rimning "Lasio" klubi qo‘shib olishga qiziqmoqda.
Transfermarkt tomonidan Orsolini 12 million yevroga baholangan. Tomonlar o‘rtasidagi amaldagi shartnoma muddati 2024 yilning o‘rtalarigacha hisoblangan.
Italiya chempionatining so‘nggi mavsumida Rikkardo 32 ta o‘yin o‘tkazib, 11 ta gol (3 tasi penaltidan) va 4 ta golga assistentlik qilgan.
