Bir tasavvur qiling, Lionel Messi «Real»da, Krishtianu Ronaldu esa «Barselona»da.

Shunaqa bo‘lishi mumkinmi? Mavjud tushunchaga ko‘ra, aslo imkoni yo‘q bunday o‘tishlarning. To‘g‘ri, vaqtida afsonaviy Luish Figu «Barselona»ni qo‘qqisdan «Real»ga almashtirib, futbolda «Hech qachon» iborasini ishlatmaslik kerakligini ko‘rsatib qo‘ygandi. Lekin mohiyatan qarasak, shunday xayoliy transferlar borki, ular hech qachon amalga oshmaydi chindan ham. Shuning barobarida tasavvurni birov taqiqlab qo‘yolmaydi, albatta. Demak, bugungi fotojamlanma vositasida ayrim yulduz futbolchilarni ashaddiy raqib jamoalar libosida birrov tasavvur qilamiz. Lekin unutmang, bunaqasi imkonsiz deyarli.

Lionel Messi «Real»da. Yo‘q, Kataloniya bunday o‘tishni aslo ko‘tarolmasdi, Leoning o‘zi ham ikki dunyoda «Madrid»ga qiyo boqmasa kerak.

Krishtianu Ronaldu «Barselona»da. Ha, portugaliyalik yulduz Saudiya Arabistoniga yuzlanishidan oldin uning Kataloniya supergrandida o‘ynashi ehtimoli haqida xabarlar chiqdi. Lekin bu shunchaki, gap-so‘z edi...

Vinisius Junior «Atletiko»da. Madridning ikki klubi o‘rtasidagi adovat yanada kuchli. Shunday ekan, braziliyalikni «matraschilar» formasida ko‘rish - sof xayolot.

Muhammad Saloh «MYU»da. Misrlik golea­dor «Enfild»dan ketishi mumkin, ammo uning «Old Trafford»ga yo‘l olishi aqlga sig‘maydi aslo.

Garri Maguayr «Manchester Siti»da. Nega mumkin emas? Birinchidan, Manchester klublari o‘rtasida kuchli ziddiyat bor. Ikkinchidan, «shaharliklar» bu himoyachini olishmaydi, baribir.

Pyer-Emerik Obameyang «Tottenxem»da. Hammasi oddiy: Sharqiy Londonda Abubaning «kanonircha» o‘tmishini hamma yaxshi eslaydi.

Joau Kanselu «Borussiya» (Dortmund)da. Portugaliya himoyachi «Bavariya»da yangi futbolchi, shunday bo‘lsada, uning «Dortmund»­ga yuzlanishi mumkin emas.

Lautaro Martines «Milan»da. Argentinalik hujumchi Milanda, «rossonerlar» bazasidan bir qadam narida. Shunday bo‘lsada, Lautaroni «Milan»da kutishdan ma’no yo‘q.

Luka Modrich «Barselona»da. Xorvatiyalik «qarimas» yarim himoyachi faoliyatini «Real»da yakunlash niyatida. Bordiyu, «Mad­rid»da Lukani ortiqcha ko‘rishsa ham, u «Barsa»ga xizmat qilishni o‘ziga ep ko‘rmaydi.

Joau Felish «Arsenal»da. Tasavvurdan nariga o‘tmaydigan yana bir o‘tish. Barchasiga portugaliyalikning «Chelsi»dagi qisqagina faoliyati sabab...