"Ayntraxt" yarim himoyachisi Yesper Lindstryom klubini o‘zgartirishi mumkin.
23 yoshli futbolchiga "Milan", "Leypsig" va "Nyukasl" klublari qiziqish bildirmoqda, deb xabar beradi Fussball.news Bild nashriga tayanib. Angliya va Italiya klublari yaqin vaqt ichida transfer takliflarini tayyorlashlari mumkin.
"Ayntraxt Frankfurt" futbolchini 30-40 million yevroga baholamoqda. Shu bilan birga, transfer summasining 15 foizi Daniya "Brondbyu"siga tushadi.
Lindstryom o‘tgan mavsumda Bundesligada 27 ta o‘yinda maydonga tushib, 7 ta gol va 2 ta golli uzatmaga mualliflik qilgan.
