"Айнтрахт" ярим ҳимоячиси Йеспер Линдстрём клубини ўзгартириши мумкин.
23 ёшли футболчига "Милан", "Лейпциг" ва "Ньюкасл" клублари қизиқиш билдирмоқда, деб хабар беради Fussball.news Bild нашрига таяниб. Англия ва Италия клублари яқин вақт ичида трансфер таклифларини тайёрлашлари мумкин.
"Айнтрахт Франкфурт" футболчини 30-40 миллион еврога баҳоламоқда. Шу билан бирга, трансфер суммасининг 15 фоизи Дания "Брондбю"сига тушади.
Линдстрём ўтган мавсумда Бундеслигада 27 та ўйинда майдонга тушиб, 7 та гол ва 2 та голли узатмага муаллифлик қилган.