Hujumkor yarim himoyachi Dominik Soboslai "RB Leypsig"dan "Liverpul" safiga qo‘shildi. Bu haqda ingliz grandi o‘zining rasmiy saytida ma’lum qildi.

Nufuzli Transfermarkt portali ma’lumotlariga ko‘ra, 22 yoshli vengerning transferi "Liverpul"ga 70 millionga tushgan. Tomonlar o‘rtasidagi mehnat shartnomasi 2028 yilning yoziga qadar tuzilgan.

O‘tgan mavsumda Soboslai barcha musobaqalarda 46 ta o‘yinda maydonga tushib, 10 ta gol urdi va 13 ta golli uzatmani amalga oshirdi.

Oxirgi mavsum natijalariga ko‘ra, "Liverpul" Premyer-ligada beshinchi, "RB Leypsig" esa Germaniya chempionatida uchinchi o‘rinni egalladi.