Ҳужумкор ярим ҳимоячи Доминик Собослаи "РБ Лейпциг"дан "Ливерпуль" сафига қўшилди. Бу ҳақда инглиз гранди ўзининг расмий сайтида маълум қилди.
Нуфузли Transfermarkt портали маълумотларига кўра, 22 ёшли венгернинг трансфери "Ливерпул"га 70 миллионга тушган. Томонлар ўртасидаги меҳнат шартномаси 2028 йилнинг ёзига қадар тузилган.
Ўтган мавсумда Собослаи барча мусобақаларда 46 та ўйинда майдонга тушиб, 10 та гол урди ва 13 та голли узатмани амалга оширди.
Охирги мавсум натижаларига кўра, "Ливерпуль" Премьер-лигада бешинчи, "РБ Лейпциг" эса Германия чемпионатида учинчи ўринни эгаллади.
