Yarim himoyachi Feliks Nmecha "Volfsburg"ni tark etib, boshqa nemis klubiga o‘tadi. Rur Nachrichten xabariga ko‘ra, Dortmundning "Borussiya" klubi 24 yoshli ijrochining yangi ish joyiga aylanadi.
Futbolchining transferi uchun jamoa 30 million yevro to‘laydi. Bonus to‘lovlari ham bitimga kiritiladi. Nmechaning dortmundliklar bilan shartnomasi 2028 yilning o‘rtalariga qadar amal qiladi.
Feliks 2021 yilning iyulidan beri "bo‘rilar"da o‘ynamoqda. Yarim himoyachi o‘tgan mavsumda "Volfsburg" safida 32 ta o‘yinda maydonga tushib, 3 ta gol va 6 ta golli uzatmaga mualliflik qilgan.