Ispaniyalik yarim himoyachi Tyago Alkantaraning "Liverpul" libosidagi kelajagi katta savol ostida.
Jurnalist Nil Jonsning so‘zlariga ko‘ra, mersisaydliklar rahbariyati yaqin orada Tyagoni qo‘yib yuborishga qaror qilishi mumkin.
Turkiyaning “Fenerbaxche” klubi “Barselona” va “Bavariya”ning sobiq futbolchisini o‘z safiga qo‘shib olmoqchi bo‘lgan klublar qatoriga kiradi.
Eslatib o‘tamiz, o‘tgan mavsumda Angliya grandi tarkibida 2020 yildan buyon o‘ynab kelayotgan yarim himoyachi barcha turnirlarda 28 ta o‘yin o‘tkazib, bitta golli uzatmani amalga oshirgan. Transfermarkt portali 32 yoshli futbolchining narxini 15 million yevroga baholamoqda.
